Алоқа
Ўзбекистон Республикаси, Тошкент шаҳри, M-14, 27 уй
Телефон: +998 (71) 244-87-49
Факс: +998 (71) 244-87-49
E-mail: info@agroxizmat.uz
“Агросаноат мажмуида хизматлар кўрсатиш маркази” давлат унитар корхонасининг Стандарт намуналар тайёрлаш бўлими томонидан ўрта ва узун толали пахта толаси, пахта момиғи, кийим кечак ва мебельбоп момиқ пахта, оқартирилган гигроскопик пахта маҳсулотлари ва техник чигит ташқи кўриниш стандарт намуналари тайёрланиб келинмоқда. Ташқи кўриниш стандарт намуналарининг амал қилиш муддати 3 йил бўлиб, махсус комиссия томонидан тасдиқланади. 2020 йилнинг август ойида узун тола пахта толаси, пахта момиғи, кийим кечак ва мебельбоп момиқ пахта, оқартирилган гигроскопик пахта маҳсулотлари ва техник чигит ташқи кўриниш стандарт намуналарининг амал қилиш муддати тугаганлиги сабабли, тузилган комиссия томонидан тасдиқланиб, 3 йил муддатга узайтирилди.
Ташқи кўриниш стандарт эталон намуналарининг тасдиқланишида, комиссия раиси Марказ директори С.Б. Шерматов бошчилигида, комиссия аъзолари Ўзагроинспекция, Қишлоқ хўжалиги вазирлиги, “Ўзстандарт” агентлиги, Пахтасаноат илмий маркази, Тошкент тўқимачилик ва енгил саноат институтининг малакали мутахассислари иштирок этишди.
Марказ ходимларининг коронавирус касаллигидан химоя қилиш, пандемия даврида ушбу касалликни тарқалишини олдини олиш мақсадида комплекс чоралар кўрилмоқда. Жумладан марказ биносига киришда дезинфекция тунели ўрнатилган бўлиб, бинога кираётган ҳар бир ходимнинг тана ҳарорати ўлчаниб, ҳарорати 37 даража ва ундан юқори бўлган ходимлар ҳамда марказга ташриф буюрувчилар бинога қўйилмаслиги бўйича чоралар кўрилди. Шунингдек ҳар бир ходимга даврий равишда химоя воситалари, жумладан тиббий ниқоб ва антисептиклар тарқатилиши йўлга қўйилган, бино ва хоналар ўз вақтида дезинфекция қилинмоқда.
Ушбу тадбирлар марказий лабораториялар ва вилоят филиаларида ҳам ташкил қилинган бўлиб, марказ директори томонидан қатъий назоратга олинган.
Ўзбекистон Республикаси Бош вазири А.Н.Ариповнинг 2020 йил июлдаги “Ўзбекистон Республикасида коронавирус инфекцияси тарқалишининг олдини олиш борасида кўрилаётган чора-тадирлар ҳамда аҳолининг санитария-эпидемиология осойишталигини таъминлаш учун кўрилиши лозим бўлган қўшимча чоралар тўғрисида”ги 33-сонли йиғилиш баёни топшириқларини ижросини таъминлаш мақсадида 2020 йил 10 июлдан 2020 йил 1 августга қадар карантин қоидалари кучайтирилганлиги муносабати билан “Агросаноат мажмуида хизматлар кўрсатиш маркази” давлат унитар корхонасининг ходимларига қонунчиликда белгиланган тартибда меҳнат таътилига чиқариш, қолган қисмининг меҳнат фаолиятини максимал даражадан масофадан туриб (онлайн ёки дистацион тарзда) ташкил этиш ишлари амалга оширилди.
Масофадан ишловчи ходимларга иш учун зарур компьютер ва ноутбуклар, принтер ва телефон алоқаси ҳамда интернет тармоғига уланиш имконияти билан таъминланди.
2020 йил 10 июлдан бошлаб марказга ташқаридан кирувчиларни ташрифларини чекладни ҳамда жисмоний ва юридик шахслар мурожаатлари қабулини вақтинча тўхтатилиб, мурожаатларни фақат онлайн қабул қилиш йўлга қўйилди.
Марказ ва ҳудудий филиаллар бинолари ва лабораториялари, хизмат хоналарида тозаликни сақлаш, шахсий санитария-гигиена қоидаларига риоя этилишига жиддий амал қилиш ва ҳар ҳафта дизинфекция ишларини амалга ошириш бўйича марказ раҳбарияти томонидан маъсул шахсларга тегишли кўрсатмалар берилди.
Ўзбекистон Республикаси Вазирлар Махкамасининг 2019 йил 17 апрелдаги “Қишлоқ хужалиги, мелиорация ва йўл-қурилиш техникаларидан фойдаланишни такомиллаштириш чора тадбирлари тўғрисида”ги 325-сон қарорнинг 3-иловасига мувофиқ Қишлоқ хўжалиги, мелиорация ва йўл-қурилиш техникаларини техник кўрикдан ўтказиш тартиби тўғрисидаги Низоми тасдиқланган.
Ўзбекистон Респбуликаси Вазирлар Маҳкамаси ҳузуридаги таълим сифатини назорат қилиш Давлат инспекцияси томонидан нодавлат таълим хизматларини кўрсатиш соҳасидаги фаолиятни амалга ошириш учун тақдим этилган КМО 0301-сонли лицензиясига мувофиқ «Агросаноат мажмуида хизматлар кўрсатиш маркази» давлат унитар корхонасининг мутахассислар тайёрлаш ўқув курслари томонидан “Тракторист-Машинистлар тайёрлаш” ўқув курслари очилиши режалаштирилмоқда.
Ҳозирги кунда мазкур ўқув курсларини очиш учун ўқув – материал базани шакллантириш, малакали мутахассисларни жалб этиш бўйича ишлар амалга оширилмоқда.
Бундан ташқари Стандарт намуналар тайёрлаш бўлими томонидан Пахта толаси, момиғи ва техник чигити ташқи кўриниш стандарт намуналарини 2020 йил пахта ҳосили учун тайёрлаш ва шартномалар асосида реализация қилиш ишлари амалга оширилмоқда.
“Агросаноат мажмуида хизматлар кўрсатиш маркази” давлат унитар корхонасининг вилоят ҳудудий филиалларида пахта маҳсулотларини синов лабораториялари фаолият юритмоқда.
“Ўзстандарт” агентлиги ҳузуридаги “Аккредитация маркази ДУК томонидан
O’zDst ISO/IEC 17025:2019 “Синов ва калибрлаш лабораториялари компетентлигига бўлган умумий талаблар” бўйича аккредитациядан ўтиш 2021 йилнинг
1 июнигача қадар белгиланди.
Бугунги кунда пахта маҳсулотлари синов лабораторияларида мавжуд HVI 900SA ва HVI 1000 пахта толасини сифат кўрсаткичларини аниқловчи юқори самарадор тизимларида ҳалқаро лабораториялараро раунд тест синовлари ўтказиш мақсадида International Cotton Advisory Committee (Халқаро пахта маслаҳат кўмитаси) билан ҳамкорлик ишлари йўлга қўйилмоқда.
Вазирлар Маҳкамасининг “2020 йил ҳосили учун экилган бошоқли дон ҳосилини ўз вақтида ва сифатли ўриб-йиғиб олишни ташкил этиш чора-тадбирлари тўғрисида”ги қарори қабул қилинди.
Қарорга мувофиқ, бошоқли дон харид қилиш бўйича тузилган контрактация шартномаларининг бажарилиши учун шахсий жавобгарлик Қорақалпоғистон Республикаси Вазирлар Кенгаши раиси, вилоятлар ва туманлар ҳокимлари, Қишлоқ хўжалиги вазирлиги, Ички ишлар вазирлиги, ”Ўздонмаҳсулот” акциядорлик компанияси ва унинг тизимидаги дон корхоналари, ғаллачилик кластерлари, ”Ўзагросервис” акциядорлик жамияти ва унинг ҳудудий филиаллари раҳбарлари зиммасига юкланди.
Ғалла етиштириш, харид қилиш ва сотишга бозор тамойилларини кенг жориЙ этишни мувофиқлаштирувчи Республика кенгашининг жаҳон бозори конъюнктураси ва минтақавий биржаларда кутилаётган дон нархлари ҳамда хўжаликларнинг дон етиштириш харажатлари таҳлилидан келиб чиқиб, коронавирус пандемияси даврида дон ва ун маҳсулотларининг нархи кескин ошиб кетишининг олдини олиш, ички бозорда дон нархлари барқарорлигини таъминлаш тадбирларини амалга ошириш учун 2020 йил ҳосилидан:
- Вазирлар Махкамасининг 2019 йил 30 сентябрдаги 831-сон қарорига асосан давлат ресурсларига З 019 минг тонна, шу жумладан, 293,5 минг тонна уруғлик дон харид қилиш;
- ички бозорда дон нархлари барқарорлигини таъминлаш тадбирларини амалга ошириш учун 2020 йил ҳосилидан давлат ресурсларига олинадиган бошоқли донни харид қилиш нархини белгилаш тўғрисидаги таклифлари маъқулланди.
Белгиланишича, ташкилий-ҳуқуқий шаклидан қатьи назар барча дон тайёрлов корхоналари ва ғаллачилик кластерлари қўшимча харид қилинадиган донни хўжаликлар билан келишилган нархларда шартнома асосида харид қилади.
Ички бозорда дон нархлари барқарорлигини таьминлаш тадбирларини амалга ошириш учун 2020 йил ҳосилидан давлат ресурсларига олинадиган бошоқли доннинг харид нархлари
(1 тонна учун сўм)
Манбаа: agroinspeksiya.uz
Сўровнома
Алоқа
Қайта боғланиш